Русская Библiя
Русскій Порталъ- Церковный календарь- Русская Библія- Осанна- Святоотеческое наслѣдіе- Наслѣдіе Святой Руси- Слово пастыря- Литературное наслѣдіе- Новости

Русская Библія
-
Гостевая книга
-
Новости
-
Написать письмо
-
Поискъ

Греческая Библія

Ἡ Παλαιὰ Διαθήκη
-
Ἡ Καινὴ Διαθήκη

Славянская Библія

Ветхій Завѣтъ
-
Новый Завѣтъ

Синодальный переводъ

Исторія перевода
-
Ветхій Завѣтъ
-
Новый Завѣтъ

Переводы съ Масоретскаго

митр. Филарета Дроздова
-
Росс. Библ. Общества
-
прот. Герасима Павскаго
-
архим. Макарія Глухарева
-
С.-Петербургской Д. А.
-
проф. И. П. Максимовича
-
проф. М. С. Гуляева
-
проф. А. А. Олесницкаго
-
Неизвѣстн. перевод.
-
В. Левисона - Д. Хвольсона
-
проф. П. Горскаго-Платонова
-
«Вадима» (В. И. Кельсіева)
-
проф. П. А. Юнгерова
-
Л. І. Мандельштама
-
О. Н. Штейнберга
-
А. Л. Блоштейна

Переводы съ Греческаго LXX

свящ. А. А. Сергіевскаго
-
архіеп. Агаѳангела Соловьева
-
еп. Порфирія Успенскаго
-
проф. П. А. Юнгерова

Переводы Новаго Завѣта

архіеп. Меѳодія Смирнова
-
Росс. Библ. Общества
-
В. А. Жуковскаго
-
К. П. Побѣдоносцева
-
А. С. Хомякова

Апокриѳы

Ветхозавѣтные
-
Новозавѣтные

Библейскія изслѣдованія

Святоотеческія толкованія
-
Изслѣдованія по библеистикѣ
-
Толковая Библія Лопухина
-
Библія и наука

Календарь на Вашемъ сайтѣ

Ссылка для установки

Православный календарь

Новости сайта



Сегодня - среда, 22 ноября 2017 г. Сейчасъ на порталѣ посѣтителей - 13.
Если вы нашли ошибку на странице, выделите ее мышкой и щелкните по этой ссылке, или нажмите Ctrl+Alt+E

СЛАВЯНСКАЯ БИБЛІЯ

Славянская Библія.

Отъ Матѳе́я свято́е Благовѣствова́ніе.

Глава́ 5-я.

2. И отве́рзъ уста́ Своя́, уча́ше и́хъ, глаго́ля:

3. Блаже́ни ни́щіи ду́хомъ, я́ко тѣ́хъ е́сть Ца́рствіе небе́сное.

4. Блаже́ни пла́чущіи, я́ко ті́и утѣ́шатся.

5. Блаже́ни кро́тцыи, я́ко ті́и наслѣ́дятъ зе́млю.

6. Блаже́ни а́лчущіи и жа́ждущіи пра́вды, я́ко ті́и насы́тятся.

7. Блаже́ни ми́лостивіи, я́ко ті́и поми́ловани бу́дутъ.

8. Блаже́ни чи́стіи се́рдцемъ, я́ко ті́и Бо́га у́зрятъ.

9. Блаже́ни миротво́рцы, я́ко ті́и сы́нове Бо́жіи нареку́тся.

10. Блаже́ни изгна́ни пра́вды ра́ди, я́ко тѣ́хъ е́сть Ца́рствіе небе́сное.

11. Блаже́ни есте́, егда́ поно́сятъ ва́мъ, и иждену́тъ, и реку́тъ вся́къ зо́лъ глаго́лъ на вы́ лжу́ще, Мене́ ра́ди.

12. Ра́дуйтеся и весели́теся, я́ко мзда́ ва́ша мно́га на небесѣ́хъ: та́ко бо изгна́ша проро́ки, и́же (бѣ́ша) пре́жде ва́съ.

13. Вы́ есте́ со́ль земли́. Аще же со́ль обуя́етъ, чи́мъ осоли́тся? Ни во что́же бу́детъ ктому́, то́чію да изсы́пана бу́детъ во́нъ и попира́ема человѣ́ки.

14. Вы́ есте́ свѣ́тъ мі́ра. Не мо́жетъ гра́дъ укры́тися, верху́ горы́ стоя́.

15. Ниже́ вжига́ютъ свѣти́льника и поставля́ютъ его́ подъ спу́домъ, но на свѣ́щницѣ, и свѣ́титъ всѣ́мъ, и́же въ хра́минѣ (су́ть).

16. Та́ко да просвѣти́тся свѣ́тъ ва́шъ предъ человѣ́ки, я́ко да ви́дятъ ва́ша до́брая дѣла́, и просла́вятъ Отца́ ва́шего, Иже на небесѣ́хъ.

17. (Да) не мни́те, я́ко пріидо́хъ разори́ти зако́нъ или́ проро́ки: не пріидо́хъ разори́ти, но испо́лнити.

18. Ами́нь бо глаго́лю ва́мъ: до́ндеже пре́йдетъ не́бо и земля́, іо́та еди́на или́ еди́на черта́ не пре́йдетъ отъ зако́на, до́ндеже вся́ бу́дутъ.

19. Иже а́ще разори́тъ еди́ну за́повѣдій си́хъ ма́лыхъ, и научи́тъ та́ко человѣ́ки, мні́й нарече́тся въ Ца́рствіи небе́снѣмъ; а и́же сотвори́тъ и научи́тъ, се́й ве́лій нарече́тся въ Ца́рствіи небе́снѣмъ.

20. Глаго́лю бо ва́мъ: я́ко а́ще не избу́детъ пра́вда ва́ша па́че кни́жникъ и фарисе́й, не вни́дете въ Ца́рствіе небе́сное.

21. Слы́шасте, я́ко рече́но бы́сть дре́внимъ: «не убіе́ши; и́же (бо) а́ще убіе́тъ, пови́ненъ е́сть суду́».

22. Азъ же глаго́лю ва́мъ: я́ко вся́къ гнѣ́ваяйся на бра́та своего́ всу́е, пови́ненъ е́сть суду́; и́же бо а́ще рече́тъ бра́ту своему́: «рака́», пови́ненъ е́сть со́нмищу; а и́же рече́тъ: «уро́де», пови́ненъ е́сть гее́ннѣ о́гненнѣй.

23. Аще у́бо принесе́ши да́ръ тво́й ко олтарю́, и ту́ помяне́ши, я́ко бра́тъ тво́й и́мать нѣ́что на тя́,

24. Оста́ви ту́ да́ръ тво́й предъ олтаре́мъ, и ше́дъ пре́жде смири́ся съ бра́томъ твои́мъ, и тогда́ прише́дъ принеси́ да́ръ тво́й.

25. Бу́ди увѣщава́яся съ сопе́рникомъ твои́мъ ско́ро, до́ндеже еси́ на пути́ съ ни́мъ, да не преда́стъ тебе́ сопе́рникъ судіи́, и судія́ тя́ преда́стъ слузѣ́, и въ темни́цу вве́рженъ бу́деши.

26. Ами́нь глаго́лю тебѣ́: не изы́деши отту́ду, до́ндеже возда́си послѣ́дній кодра́нтъ.

27. Слы́шасте, я́ко рѣче́но бы́сть дре́внимъ: «не прелюбы́ сотвори́ши».

28. Азъ же глаго́лю ва́мъ, я́ко вся́къ, и́же воззри́тъ на жену́, ко е́же вожделѣ́ти ея́, уже́ любодѣ́йствова съ не́ю въ се́рдцѣ свое́мъ.

29. Аще же о́ко твое́ десно́е соблажня́етъ тя́, изми́ е́ и ве́рзи отъ себе́: у́не бо ти́ е́сть, да поги́бнетъ еди́нъ отъ у́дъ твои́хъ, а не все́ тѣ́ло твое́ вве́ржено бу́детъ въ гее́нну о́гненную.

30. И а́ще десна́я твоя́ рука́ соблажня́етъ тя́, усѣцы́ ю́ и ве́рзи отъ себе́: у́не бо ти́ е́сть, да поги́бнетъ еди́нъ отъ у́дъ твои́хъ, а не все́ тѣ́ло твое́ вве́ржено бу́детъ въ гее́нну.

31. Рече́но же бы́сть: «я́ко и́же а́ще пу́ститъ жену́ свою́, да да́стъ е́й кни́гу распу́стную».

32. Азъ же глаго́лю ва́мъ: я́ко вся́къ отпуща́яй жену́ свою́, ра́звѣ словесе́ любодѣ́йнаго, твори́тъ ю́ прелюбодѣ́йствовати; и и́же пущени́цу по́йметъ, прелюбодѣ́йствуетъ.

33. Па́ки слы́шасте, я́ко рѣче́но бы́сть дре́внимъ: «не во лжу́ клене́шися, возда́си же Го́сподеви кля́твы твоя́».

34. Азъ же глаго́лю ва́мъ: не кля́тися вся́ко: ни не́бомъ, я́ко престо́лъ е́сть Бо́жій;

35. Ни земле́ю, я́ко подно́жіе е́сть нога́ма Его́; ни Іерусали́момъ, я́ко гра́дъ е́сть вели́каго Царя́;

36. Ниже́ главо́ю твое́ю клени́ся, я́ко не мо́жеши вла́са еди́наго бѣ́ла или́ че́рна сотвори́ти.

37. Бу́ди же сло́во ва́ше: «е́й, е́й»; «ни́, ни́»; ли́шше же сею́, отъ непрія́зни е́сть.

38. Слы́шасте, я́ко рѣче́но бы́сть: «о́ко за о́ко, и зу́бъ за зу́бъ».

39. Азъ же глаго́лю ва́мъ: не проти́витися злу́. Но а́ще тя́ кто́ уда́ритъ въ десну́ю твою́ лани́ту, обрати́ ему́ и другу́ю;

40. И хотя́щему суди́тися съ тобо́ю и ри́зу твою́ взя́ти, отпусти́ ему́ и срачи́цу;

41. И а́ще кто́ тя́ по́йметъ по си́лѣ по́прище еди́но, иди́ съ ни́мъ два́.

42. Прося́щему у тебе́ да́й, и хотя́щаго отъ тебе́ зая́ти не отврати́.

43. Слы́шасте, я́ко рѣче́но е́сть: «возлю́биши и́скренняго твоего́ и возненави́диши врага́ твоего́».

44. Азъ же глаго́лю ва́мъ: люби́те враги́ ва́ша, благослови́те клену́щія вы́, добро́ твори́те ненави́дящимъ ва́съ, и моли́теся за творя́щихъ ва́мъ напа́сть и изгоня́щія вы́,

45. Яко да бу́дете сы́нове Отца́ ва́шего, Иже е́сть на небесѣ́хъ: я́ко со́лнце Свое́ сія́етъ на злы́я и благі́я, и дожди́тъ на пра́ведныя и на непра́ведныя.

46. Аще бо лю́бите лю́бящихъ ва́съ, ку́ю мзду́ и́мате? Не и мытари́ ли то́жде творя́тъ?

47. И а́ще цѣлу́ете дру́ги ва́ша то́кмо, что́ ли́шше творите́? Не и язы́чницы ли та́кожде творя́тъ?

48. Бу́дите у́бо вы́ соверше́ни, я́коже Оте́цъ ва́шъ Небе́сный соверше́нъ е́сть.

Источникъ: Но́вый Завѣ́тъ Го́спода на́шего Іису́са Христа́.. — СПб.: Въ Сѵнода́льной Типогра́фіи, 1861. — С. 10-15.

Назадъ / Къ оглавленію / Впередъ


Наверхъ / Къ титульной страницѣ

0